Фәрәҹов Фәјјаз Гасым оғлу 1921-ҹи илдә Азәрбајҹан ССР,  Ләнкәран гәзасынын (индики Масаллы рајону), Гасымлы кәндиндә анадан олуб. Гәдим Сәлҹуглулардан ҝәлән вә әслән Хорасан Түркләриндән олан Јерәһмәдли нәслиндән иди. Дини биликләри сәбәбиндән доғулдуғу кәндин сечилмиш шәхсләриндән иди. 

 

О, 1941-ҹи илдә Масаллы рајону Һәрби Комиссарлығы тәрәфиндән совет орду сыраларына чағырылараг Ростов вилајәти Прохладнаја шәһәриндә јерләшән һәрби һиссәләрин бириндә хидмәт етмишдир. 2-ҹи Дүнја мүһарибәсинин илк илләриндә (тәхминән 1942-ҹи илдә) ҹәбһәдә оларкән Изјум шәһәриндә (Харков әтрафы) ҝедән дөјүшләрдә мүһасирәјә дүшәрәк алман ордусу тәрәфиндән әсир ҝөтүрүлмүшдүр. Әсирликдә оларкән Сталино вә Штранс шәһәрләриндәки һәрби әсир дүшәрҝәләриндә сахланылмыш, орада 4-5 ај галдыгдан сонра Италијаја ҝөндәрилмишдир. Крымда ҝедән дөјүшләрдә гәһрәманҹасына вурушмуш вә башындан јараланмышдыр.. 10 нөмрәли ССРИ фәрманына әсасән, 19 нојабр 1944-ҹү илдә Инҝилис команданлығы тәрәфиндән 2909 нөмрәли ССРИ ешелона (ҹәбһә дәринлијиндә мөвге тутан вә бу гајдада јеријән гошун һиссәсинә) чатдырылмышдыр. 21 нојабр, 1944-ҹү илдә 12 нөмрәли фәрмана әсасән, Узаг Шәрг мәдәнләриндә ишләмәјә ҝөндәрилмишдир. О, 1947-ҹи илин апрел ајынадәк мәдәндә ишләмишдир. Даһа сонра өз доғма кәндинә гајыдыр вә диҝәр моллаларла јанашы мәсҹиддә гуран дәрси вермәјә башлајыр. Өз билик вә баҹарығыны ҝәләҹәк нәсилә өјрәдир. Азәрбајҹан, рус вә әрәб дилләрини билиб. ССРИ Мүдафиә Назирлији тәрәфиндән 6 апрел, 1985-ҹи илдә II дәрәҹәли Вәтән Мүһарибәси Орденинә лајиг ҝөрүлүб. 16 Март, 1997-ҹи илдә Азәрбајҹан Республикасы Дөвләт әмлак комитәсинин Масаллы рајон шөбәси тәрәфиндән, Фәрәҹов Фәјјаз Гасым оғлуна өзәлләшдирмә пајы верилиб. Узун сүрән хәстәликдән сонра 19 мај, 1998-ҹи Гасымлы кәндиндә вәфат едиб. Гасымлы кәнд гәбиристанлығында торпаға тапшырылыб. Аллаһ рәһмәт еләсин!

"Масаллыдан гәләбәјәдәк" китабында

"История, рассказанная народом" китабында

Аиләси

Улу бабасы: Гаҹарлы Јарәһмәд Нәби оғлу — 1775-ҹи илдә Тәбриз шәһәриндә анадан олуб. Гәдим сәлҹуглулардан ҝәлән вә әслән хорасан түркләриндән олан сојдур. Ләнкәран гәзасындан Гасым Тоғрул оғлу Мирзәнин обасына ҝәлиб. 25 ил Ирагын Нәҹәф шәһәриндә охујуб. Она ҝөрә дә һәмән нәсил Јерәһмәдли адланыр. 1852-ҹи илдә Ләнкәран гәзасынын Гасымлы кәндиндә вәфат едиб. ( Хорасан Сој китабы. Хорасан - 1782. 365-472 сәһ.)

 

Бабасы: Гаҹарлы Фәрәҹ Мәһәммәд оғлу 1813-ҹү илдә Ләнкәран гәзасынын (индики Масаллы рајону), Гасымлы кәндиндә анадан олмушдур. Ләнкәран гәзасынын әрази сој китабында јазылан мәлуматлара ҝөрә, 1845-1864-ҹү илләрдә Гасымлы кәндиндән олан, әрази Газиси Гулам Сәфәвинин көмәкчиси олуб. Гулам Сәфәви илә бирликдә 6 ил Ирагын Нәҹәф шәһәриндә охујублар. Онунла бәрабәр 4 нәфәр дә ҝедиб. Диндар вә биликли шәхс олуб. Түрк (Азәрбајҹан түркҹәси), әрәб вә фарс дилләрини билиб. Бабасы Гаҹарлы Јарәһмәд Нәби оғлу, нәвәләри: Фәрәҹов Абуш (Абдул) Ҝәнҹәли оғлу (1909-1943), Фәрәҹов Фәјјаз Гасым оғлу (1921-1998), Фәрәҹов Саһиб Мүрсәл оғлу (1923-1944) вә башгалары олмушдур.

О 1894-ҹү илдә Ләнкәран гәзасынын Гасымлы кәндиндә вәфат едиб. Аллаһ рәһмәт еләсин! (Ләнкәран гәзасынын әрази сој китабы. 1905. 1326 сәһифә.)

Атасы: Мәммәдов Гасым Фәрәҹ оғлу

Анасы: Хејрәнсә

Ушаглары: Фәрзулла, Сүнбүлә, Сарә, Лалә, Афиг

Нәвәләри: Мурадов Бәһлул, Фәјјазов Меһди вә Фәјјазов Садиг